قررت هيئة النقل العام بالقاهرة الكبرى تحريك أسعار تذاكر الركوب بأتوبيسات هيئة النقل العام في القاهرة الكبرى 50 قرشا على جميع خطوطها منذ صباح أمس. وأصبحت التذكرة فئة جنيه ب"جنيه ونصف"، والتي قيمتها جنيهان ب" جنيهان ونصف". وتسلم كل سائق دفتر مطبوع بالقيمة الجديدة وآخر بالقيمة القديمة مع استلام 2 بقيمة 25 قرش لتكملة الزيادة. فى هذا الصدد، أعرب مواطن يدعى على سمير، عن استيائه الشديد الزيادة المستمرة فى الأسعار ، قائلًا: " الأسعار كل يوم فى جديد وتزايد والموضوع هيكون سهل لو الزيادة تكون ثابتة مش كل يوم فى تغير أنا امبارح فوجئت بالكمسري بيقولى هات نص جنيه زيادة". وعبر مواطن آخر يدعى أحمد محمد ، عن استيائه بزيادة سعر التذكرة نصف جنيه، قائلًا :"اللي إحنا فيه دا كارثة الواحد خايف يصحى فى يوم من النوم، نلاقيهم لغو الميه من البيت خالص". وفى نفس السياق، مواطن يدعى على أسامة، أن زيادة سعر تذكرة النقل العام نصف جنيه بالنسبة للمواطن البسيط تعتبر، بمثابة "رصاصة مميتة"، كونها المواصلة الوحيدة التى يستقلها، قائلا: "المواطن اللي حالته متوسطة مش فارق معاه زيادة نص جنيه كمان أما الغلبان هو اللي هيزعل". شاهد..الفيديو: