تقبل الجمهور بصدر رحب اعتذار غادة عبد الرازق عما بدر منها من سلوكيات خاطئة، مطالبين أياها أن تتناسي الموضوع والإعلام بالكف عن الإساءات لها، واتضح ذلك جليا في التعليقات على فيديو الاعتذار التي قدمته. وعلى صعيد آخر، قام آخرين بتدشين هاشتاج على تويتر لمؤازرتها والرفع من روحها المعنوية والإشادة باعتذارها القوى. كما أبدى عدد آخر إعجابهم بثقافة الاعتذار التي تحلت بها غادة حيثُ قالت أحدي المعجبين :"الاعتراف بالخطأ شجاعة وقوة لا يقوم به إلا أولاد الأصول". وكانت غادة قد نشرت مقطع فيديو لايف مساء أمس الثلاثاء عبر صفحتها بموقع تبادل الصور والفيديوهات "إنستجرام" تبرر فيه الحالة التي ظهرت بها في مقطع فيديو لايف قامت ببثه منذ يومين عبر حسابها الرسمي، واعتذرت فيه للجمهور وطالبته بمسامحتها. وجاء نص رسالة غادة كالتالي :" مش هقول إنها أزمة ، هو امتحان من ربنا، أنا طالعة للناس النهاردة أقولهم ، إن أنا غلطت فعلاً وأنا آسفة جدا، آسفة لجمهورى وآسفة للناس وآسفة لبلدى وآسفة لفنى، وحياه أولادى إنى عمرى فى حياتى ما قصدت إنى أقلل من نفسى أو أعمل حاجة غلط ، أنا مكنتش سكرانة انا ست بتعالج بقالى حوالى 22 سنة، باخد أدوية". "أنا بقالى 26 سنة بحترم نفسى واسمى وبلدى وكل حاجة حواليا، عمرى فى حياتى ما غلطت، وأنا مش ملاك، انا يومها غلطت فى إن أنا كنت طول اليوم تعبانه وطول اليوم من الساعة الواحدة ظهراً فى الجزيرة ورجعت أخذت الأدوية بتاعتى النفسية ومعروف إنها بتعمل حالة هذيان شوية.. وأنا أقسم بالله مشوفتش من الكومنتات إن فى جزء منى بان، وأكيد مش قاصدة وانتو متأكدين، وكل دا أنا بعمله علشان روتانا بنتى، وعلشان أحفادى، وعلشان جمهورى ، وعلشان اول مرة احس إن بعد 26 سنة انا قد اية بتحارب وفى ناس مش بتحبنى ، وفى ناس متسنيالى الغلط، وبقولهم أذيتونى وكتر الف خيركم وحسبى الله ونعم الوكيل وكل واحد عنده اهل و اولاد". وتابعت : "أنا بقول لجمهورى انا بحبكم وبقالى 26 سنة بحفر فى الصخر وضاعت منى حياتى كلها، وفكرت كتير اطلع اللايف دا ولا مطلعوش، بس أنا صريحة طول عمرى، ناس كتير قالتلى قولى يا غادة إنه متفبرك، أنا مش عارف اقول مش مصدقة الكذبة مش قادرة أصدق الكذبة، أنا بجد مش بشوف الكومنتات من قريب، والى بعتولى وقالولى ان فى جزء باين منى انا مكنتش شايفاهم لانى مبشوفش من قريب ، على قد ما كنت بحبكم قوي على قد ما مكنتش متخيلة إن الضربة هتيجي جامدة اوى كدا". وختمت حديثها قائلة :" ودى الرحلة الوحيدة الى مرضيتش اتصور بمايوه وكنت واخدة قرار مظهرش كدا تانى، ومعرفش اية الى حصل فيها، والفانز ساعتها كلمونى وقالولى اطلعى لايف، وانا زى الهبلة طلعت لايف، انا بس طيبة ودا غلط اوى فى الزمن دا انى ابقى طيبة.. دخلت السرير والدواء النفسى اشتغل معايا الدواء النفسي بيدروخ وينيم، وبكلم الفانز بتاعى ومخدتش بالى ونمت وصحيت على فضيحة فى العالم كله، تفتكروا إن أنا كنت مستنيه أعمل دا بعد 26 سنة عشره ، وبعد كل النجاح دا مستنيه اعمل دا". وكانت غادة قد بثت مقطع فيديو لايف ظهرت فيه بشكل غير لائق ، تم تداوله بشكل واسع عبر الشبكات الاجتماعية، حيثُ استعرض الفيديو جزءا عاريا من جسدها.
