بالأمس ودعنا عامًا مضى بكل تفاصيله، واليوم استقبلنا عامًا جديدًا بما يحويه من أمنيات وأحلام. وفي إطار فكاهي تجول مراسلو "الوفد" بالشارع المصري وسألوا المواطنين "2017 بدأت معاك ازاي؟". قال شاب في العشرينيات "بدأت امبارح بداية جميلة وان شاء الله تكون سعيدة على كل المصريين واتمنى متكونش زي 2016 لأني فقدت أصحاب كتير في حوادث سير وحاجات تانية"، وتابع مناشدًا المسئولين "ياريت الحكومة تاخد بالها من الشباب لأنهم عصب الحياة في البلد". وقال آخر "بدأت زي 2016 عادي ومحصلش أي حاجة"، فيما أضاف رجل في الأربعينات قائلًا "بدأت بداية حلوة وانا في البيت مع بنوتتي". وفي السياق ذاته؛ قال شاب ضاحكًا "كنت في الحمام وطلعت لاقيتها بدأت"، وقال آخر والسعادة تغمر وجهه "امبارح بدأت لما كنت في حفلة حلوة وفيها بنات وأولاد والدنيا كانت مولعة". في حين استطرد مواطن قائلًا :"صحيت الصبح رحت شغلي وكانت المواصلات فاضية جدًا والدنيا حلوة"، واستكمل "يا مسئولين خلوا بالكوا من الشعب". شاهد الفيديو...