قال الإعلامي عمرو أديب، إن سارة سمير بطلة مصر في رفع الأثقال، التى أحرزت ميدالية برونزية في رفع الأولمياد، قد تكون العام القادم في قطر أو أمريكا؛ بعد أزمتها مع وزارة التربية والتعليم، والتى جعلتها راسبة في الامتحان لكونها "متغيبة"، ولم تسمح لها ب"امتحان استثنائي". وأضاف "أديب" خلال برنامجه "كل يوم" على قناة "اون إي"،: "البنت دي هتاخد الجنسية القطرية وهيدوها الثانوية العامة وهيخلوها دكتورة علشان جابتلهم الميدالية في الاولمبياد، أما عندنا احنا خلوها تعيد السنة، دي لو لاعيبة كرة في الأهلى ولا الزمالك، كانت الدنيا اتقلبت، روحوا اسألوها دلوقت عن بلدها وشوفوا هتقول ايه؟". وتابع: "وزير الشباب والرياضة معملهاش حاجة خالص، لما جابت الميدالية اتصور جنبها، ولما البنت احتاجته، ماوقفش جنبها، دي تتجوز بقى وتخلف وتنسي التعليم يعني اللى خد الثانوية العامة عملوا بيها ايه". شاهد الفيديو: