يوافق اليوم الاثنين الحادي والعشرون من نوفمبر احتفال منظمة الأممالمتحدة ب"اليوم العالمي للتلفاز"، واستطلع مراسلو "الوفد" آراء المواطنين في الشارع المصري، بطرح سؤال: "حياتنا كانت هاتبقى عاملة ازاي من غير التليفزيون وازاي نحقق منه الاستفادة المُثلى؟". وأشاد مواطن بأهمية التليفزيون في حياتنا الحالية ودوره الفعال في نقل المعلومات وإعلامنا بالأخبار المحلية والدولية والساسية العامة"، وقال "من غيره حياتنا كانت هاتبقى بدائية جدًا". وقال آخر "التليفزيون مهم لأنه بيعرض مشكلات الناس ومتاعبهم، وأتمنى يكون فيه دايمًا إعلام إيجابي وبنّاء ويعرض معاناة المواطن"، وتابع ثالث "بحقق أكبر استفادة منه لما بتفرج على الأحداث والماتشات في بيتنا أحسن ما انزل اقعد على القهوة". فيما استطرد مواطن قائلًا "لو التليفزيون مش موجود ماكانش هايبقى فيه وسائل تسلية غير حاجات محدودة"، وبنبرةٍ جدية قال آخر "من غيره ماكانش هايبقى فيه حاجة كويسة في الدنيا.. مانقدرش نستغنى عنه". وعلى صعيدٍ آخر، قال مواطن: "الحياة هاتبقى طبيعية أكتر عن دلوقتي لأن التليفزيون شغل الناس كلها وبوظ حياتهم الاجتماعية، لكن هو تثقيفي ومانقدرش نعيش من غيره". وقال آخر: "التليفزيون وجوده خلى الصلة قلت بين الناس وأكيد من غيره كنا هانبقى عايشين زي اللي كانوا في القرون القديمة والحياة هاتمشي عادي". شاهد الفيديو: