شن الإعلامي عمرو أديب هجومًا حادًا على نواب البرلمان، بسبب أفعالهم في الجلسة الافتتاحية لمجلس النواب، وعدم النظام، ما أدى إلى سخرية رواد مواقع التواصل الاجتماعي منهم. وقال خلال برنامجه "القاهرة اليوم" المذاع على فضائية"اليوم"، "مش حابب علاقة اللطف والمحبة اللي بين البرلمان والرئيس عبد الفتاح السيسي لأنها زائدة عن اللازم، حضرتك كبرلمان موجود لمراقبة الرئيس وليس حبه". وتابع "النواب قرروا يبعتوا رسالة شكر للرئيس طب على ايه مش هو اللي دخلكوا المجلس، كمان رئيس مجلس النواب أتأخر وقالهم كنت بكلم الرئيس وبيسلم عليكوا، العلاقة دي ملهاش أي معنى في امريكا ودول أوروبا العلاقة هناك بين الرئيس والبرلمان علاقة ندية". وأضاف "البرلمان لازم يكون بعبع لمؤسسات الدولة مش عصفورة، لكن انتوا هتكلموا الرئيس في إيه، انتوا عايزين ديمقراطية ولا حاجة شبها، انتوا موجودين للتشريع والمراقبة، عايزين تزعلوا اخبطوا راسكوا في الحيط". واستطرد قائلًا "الرئيس ملوش عندك حاجة مش زي زمان، البرلمان ده أملنا ليعارض الرئيس في أي قرار خاطئ، اهدوا واركزوا بقى، إيه الحالة الوطنية دي وتحيا مصر هو انتوا داخلين حرب". شاهد الفيديو..