سيطرت حالة من السخرية الشديدة على مواقع التواصل الإجتماعي، بسبب تعليق المتحدث بإسم الرئاسة، السفير باسم راضي، الذي أكد خلال مداخلة هاتفية لبرنامج "ON اليوم" زيادة المرتبات بنسبة 300%، وتحسن الاقتصاد المصري وتراجع معدلات البطالة. من جانبهم، سخر النشطاء والمدونون من هذا التصريحات، مؤكدين أن حديث "راضي" خداع وكذب وكل ما قاله لا ينمّ عن الواقع الذي يعيشه أغلب سكان مصر منذ الانقلاب العسكري.
حيث قال Belal Fahmey : فعلاً المرتبات زادت بس لمين الجيش والشرطه والقضاء وباقي الشعب يولع بجاز، أما هاني سلامة فعلق ساخرًا: والاسعار زادات 5000%.
عبد الله أبوستيت:. ايوة زادت بنسبة 300 % هاخدك ع اد عقلك طيب والاسعار زادت بنسبة كام حاول تديها نسبة كدة بالنسبة لل 300 % اللى بتقول عليه ****
محمود خالد: يا جماعه يقصد مرتبات القضاء والشرطة ورجاله النظام، انتو فكرتو بيتكلم على الشعب.
Hanaa Zain Badran أجاب رداً على الأمر..مين المتخلف اللي بيصدق الكلام دة،بينما قال محمد زيد..ذا كلام كذب.
وواصل النشطاء ورواد التواصل ردهم على خداع العسكر، أحمد حسن كتب منشور فقال: كداب يارياسة ،،، انت بتتكلم عن مرتبات الجيش والشرطة والقضاء و شركات البترول والكهرباء والضرائب ،، مش كده يا رياسة. أما عزت ابراهيم فقال.. دا المتحدث لأي دولة ؟؟؟ يمكن في كوالالمبور،وزاد مجدي احمد فكتب:حرام عليكم يا اعلام العار حسبي الله ونعم الوكيل فى الحكومه ورئيسها الفاشل.
ابراهيم الامين ..زيادة ايه ومعدلات ايه النظام المصرفي بس اللي اتصلح في مصر فيه فرق بين الاقتصاد والبنوك اللي معاه فلوس بياخد فايدة عاليه من البنك والسندات الدوليه بفائدة 3 أضعاف المتعارف عليها لأن مصر بتلبس طواقي تقلع ده وتغطي راس دة وفي الآخر لا مصانع اتبنت ولا ارض استصلحت ولا خريجين اتعينوا ولا الحاجه رخصت يبقا اتحسن عند امك بس مش عندنا.
وائل عيسى.. والمتخلفين بيصدقوا ويكذبون أنفسهم وكأن بشر غير اللى عايشين فى هذه الحالة الميئوس منها،فى حين كتبت HE Elnemiry ..يعني انت بتكلم الشعب الموزمبيقي ما احنا شاهدين .تببعه رحماک ربي فقالت هي،الناس دي بتتكليم عن مصر ولا عن دوله تانبه.
Hamdy Ali ..هههههههههه طيب ما احنا الى بنقبض المرتب ومفيش زيادة والاسعار نار.
محمد صبرى كتب تعليقا فقال..ايوا فين الانجاز ف الموضوع الناس كانت بتقبض في 2010 بمتوسط 500 جنيه تقريبا و كان ال 500 جنيه دول بيساوو 100$ لكن دلوقتي ال 100$ بيساوو 1700 جنيه و متوسط المرتبات دلوقتي 1400 جنيه يعني الناس مرتباتها بعد ماكانت قليله اصلا اوي في 2010 قلت 300 جنيه او اكتر في 2016 مش زادت يا ساده !.