انتقد الإعلامي يوسف الحسيني ، وزير العدل، المستشار أحمد الزند ، بسبب تصريح «المصري يقدر يعيش ب2 جنيه»، ودعا الرئيس عبدالفتاح السيسي ل«إسكات الوزراء». وقال «الحسيني»، خلال برنامجه «السادة المحترمون» على فضائية «أون تي في»، مساء الاثنين: «بقول للسيسي سكّت الوزراء بتوعك، وإحنا هندي الزند 300 جنيه يعيش بيهم هو وأسرته، وباقي راتبه يتبرع بيه لصندوق تحيا مصر». ووجّه «الحسيني» رسالة ل«الزند»، قائلًا: «2 جنيه دول عيش بيهم أنت، وبعدين دا مش شغلك أنت مالك». كان «الزند» قال في حوار تليفزيوني، الأحد، إن المواطن المصري يتميز بالعبقرية، وقادر على العيش في الظروف الصعبة، مضيفًا: «المصري لو معاه فلوس يصرف 2000 جنيه في اليوم ولو مش معاه يقدر يعيش ب2 أو 3 جنيه ولا تفرق معاه».