فلان: يا أخي نفسي اقطع طريق.. عشان زعلان مع مراتي! علان: ولما مراتك تزعل منك.. برضه هتقطع طريق! فلان: لا طبعا مراتي لما بتزعل "بتقطع خبري"!! علان: واضح انك مالي مركزك في البيت. فلان: بيت ايه.. أنا طول النهار قاعد علي القهوة. علان: واللي بيحصل في البلد؟.. فلان: أنا مشارك في الثورة من أول لحظة.. علان: هو انت طالع رحلة؟ فلان: وحضرتك يا شملول كنت فين ساعة الثورة. علان: باعمل وقفة احتجاجية وباحب اقطع الطريق موت.. متعة يا أخي انك توقف حال الناس. فلان: ومش مكسوف من نفسك؟ علان: ثوري ودمي حامي ومش هاسكت علي حقي. فلان: وحق غيرك في الطريق؟ علان: يا سيدي أنا فاكرك هتسألني عن حق الطريق نفسه عشان كده.. أنا عندي اقتراح نلغي الطرق ونشيل قضبان السكة الحديد.. واللي عايز يقطع.. يورينا شطارته!!