أبدى عز الدين دويدار - المخرج الاخواني - سعادته بإعلان عدد من الحركات الثورية والشخصيات العامة نزولها غدًا الجمعة في مظاهرات للإحتجاج على التنازل عن جزيرتي "تيران وصنافير" . وقال "دويدار" في تدوينة : الاخوان والاشتراكيين الثوريين و 6 إبريل .. و شباب وأحرار ومثقفي مصر كلهم نازلين يوم الجمعة تحت شعار ارحل .. بدون شعارات سياسية رافعين علم مصر بس "بحسب تعبيره" وأضاف: هو دا الإصطفاف اللي أنا أعرفه .. ماتطلبش مني أنسحب أولا ولا تطلب مني أتخلى عن مطالبي عشان انت تنزل .. الشارع واسع والميادين كتير وجمهور الغاضبين مش مسيس .. وطالما نازل تهتف وشايل علم مصر تبقى مننا واحنا منك .. اللي له مطالب خاصة أو شروط يعينها دلوقتي وماينساهاش .. الغالب إن التظاهر يوم الجمعه مش هايكسر "الإنقلاب" - بحسب تعبيره - ولا يزيح السيسي .. لكن هايحرك المياه الراكدة ويقول للداخل والخارج إن الثورة مابتمتش .. وإننا بنعيد بناء صفوفنا وجماهيرنا بتزيد والأمل عندنا بيزيد .. وجمهور العسكر بيتحاصر ويقل وبيفقد ثقته بنفسه وبيحبط .. التظاهر يوم الجمعة هايعلي السقف وهايضرب أجراس الثورة .. اللي قربت أوي "بحسب وصفه"