اعتذر الفنان أحمد مالك عن الفيديو المسيء الذى قام بتصويره أمس للسخرية من الشرطة بذكرى 25 يناير, بالاشتراك مع مراسل برنامج "أبله فاهيتا" شادى حسين, واصفاُ فعلته بأنها متهورة وغير مدروسة. وقال مالك فى تدوينة له بموقع التواصل الاجتماعى "فيس بوك": "بعتذر بشدة لكل شخص أساءه الفيديو خاصة الشرطة، الفيديو فعلاً فيه تجاوزات لم أتوقع أنها تخرج بره دايرة الأصدقاء وده مش مبرر على الخطأ". وأضاف: "أنا عمرى عشرين سنة وساعات فى السن ده الأفكار المتهورة بتسبق التفكير العقلانى وللأسف الغلطات دلوقتى بقت مسجلة ومصورة وده بيديها عمر وحجم أكبر من حجمها الحقيقي، دى لحظة تهور ولحظة مش محسوبة وفعلاً ندمان عليها وحاولت مسحها ولكن كنت فوجئت أنها انتشرت قبل ما أقدر أنقذ الموقف". وتابع: "يمكن الموقف ده كله نابع من إحباط عدم القدرة على التعبير عن الرأى اللى جيلى حاسه الأيام دى بس برضه ده ميدينيش الحق إنى أتجاوز أو أعبر عن رأيي بطريقة متجاوزة فى حق الآخرين أكتر حاجة مضايقانى إنه هيتم استخدام اللحظة دى لتشويه الثوار والثورة ومقدرش ألوم حد فى النقطة دى إلا نفسى اللى الإحباط عماها". وأنهى حديثه قائلاً: "اتمنى من الجميع أنهم ميتعاملوش مع اللحظة دى على أنها بتلخصنى ويتعاملوا معاها أنها لحظة عابرة لن تتكرر، مرة أخرى بعتذر". شاهد الفيديو: