رحب حمزة زوبع القيادي الإخواني، بتصريحات حمدين صباحي مؤسس التيار الشعبي والمرشح السابق للرئاسة، التي أدلى بها أمس في حواره مع الإعلامي وائل الإبراشي، والتي وجه فيها انتقادات لاذعة للنظام وسياسات الرئيس عبدالفتاح السيسي. واعتبر «زوبع»، أن تصريحات «صباحي» إذا كانت للندم فأهلًا به والميدان يجمعهم، وقال «زوبع» في عدة تدوينا عبر موقع التغريدات القصيرة «تويتر»: «إلى حمدين صباحي(المرشح البديل) إذا كنت فاهم أن مفيش حد يقدر يسد مكان السيسي تبقى بتلغي عقلك البارد بتاع السياسة وقلبك الحامي بتاع الثورة». وتابع: « وإذا كنت متقدرش تسد أنت مكانه ومش هتقدر يبقى خروجك على الإعلام ما لوش لازمة بس عايز أفكرك إن مصر ليها رئيس واحد بس مسجون اسمه محمد مرسي». وأضاف القيادي الإخواني:« وإذا كنت اتكلمت بشجاعة تحسد عليها عن التعذيب والإهانة والسجون وهيمنة الجيش لكنك مقدرتش ترفع حاجب الغضب ف وش السيسي ياترى ده أدب ولا خوف». وأوضح «زوبع» «:صحيح وللإنصاف أنك تجاهلت 3/7 واكتفيت بمدح 30/6 إلا أنك خفت لما المذيع سألك عن الانقلاب ووشك راح ألوان وضاع منك الكلام وحسيت إنك تايه».
واستطرد:«وصحيح برضه أنك تكلمت عن الحرب على الإخوان لكن ف وسط الكلام رجعت ورميت التهمة في رقبة قادة الإخوان حسيت أنك عايز تقول حاجة بس خفت ليه». وقال: « وبعد ساعات م الكلام والرسايل تمخض حمدين ووجه نداء لكل ثاير أوعى تخرج ف يناير خليك في بيتك والزم الهدوء والدنيا هتتغير لوحدها يا لعيب». وتابع كلامه قائلًا:«مش هقول أنك ملاك ولا حتى شيطان بس عندي لك سؤال لو دي توبة وندم يبقى ليه تخاف ارفع صوتك بالهتاف يسقط حكم العسكر غير كده تبقى مجرد منظر». واختتم بقوله:«وف نهاية الكلام ولجل العيش والملح والثورة وعشان الوطن اللي بيتحرق الثورة هي الطريق فأهلا بيك يا صاحبي لو عايز بس معادنا ف الميدان».