نفى المذيع جابر القرموطي وصفه للرئيس عبد الفتاح السيسي بأن أداءه في الرئاسة "صفر" قائلاً: لا يمكن أن أقول هذا ابداً . وكان القرموطي قد قال أول أمس في فيديو متداول : يا سيادة الرئيس .. حضرتك زعلان من الإعلام؟ دة حقك .. ولكن عندي رئيس جمهورية دلوقتي أداؤه صفر وتحت الصفر كمان .. شخصه على عيني وعلى راسه .. ونحترمه فوق الوصف لكني بتكلم على أداءه . وتراجع القرموطي أمس - في لهجة أقرب للاعتذار - عن تصريحاته قائلاً: في عنونا فيديو متداول على مواقع التواصل الاجتماعي أن انا بقول أن السيسي اداؤه صفر .. وأنا ممكن أقول اداء رئاسة الجمهورية فيه حاجة معينة لكن إجمالاً اني أقول اداء رئيس الجمهورية صفر؟ محصلش ولا عمره هيحصل .. مقدرش اقول كدة .. ومش عشان هو ادالي الحق في الانتقاد أن انا اقول على اداءه صفر .. مفيش حاجة اسمها كدة .. وانا خبرتي ايه في المسألة كلها عشان اقول الاداء صفر ولا الاداء 15؟ .... فأرجو لما حد يقرا عنوان الفيديو ميكتفيش بيه .. بل يخش جوة يشوف الفيديو بيتكلم عن ايه .. ثم ان الفيديو جاي وانا لابس قميص .. لكني امبارح كنت لابس "تيشيرت" فعملية "التركيب" و"المتويه " وضرب المسائل في بعضيها لا يصح فانا لم اقل هذا الكلام إطلاقاً. الفيديو: