أثارت تصريحات المذيع تامر امين عن "المجلس الاعلى للعالم" موجة قوية من السخرية بسبب غرابة الموضوع وإنعدام منطقيته بحسب رأي النشطاء . وقال امين في برنامجه أن ما يسمى "المجلس الاعلى للعالم " يرسل العديد من البراكين والزلازل للدول التي لا يحبها . وقال الاعلامي سامي كمال الدين: قريبا سأرشح نفسي لرئاسة المجلس الاعلى للعالم وستنطلق الحملة من الكرة الأرضية اللي تحت الأرض. وعلق الاعلامي عماد الدين السيد: عشان الناس تعرف إن الجو الحر الإسبوعين اللي فاتوا دول، كان بقرار من المجلس الاعلى للعالم . ودي مجرد قرصة ودن يا مصريين. والمرة الجاية نيازك وبراكين. براكين في قلب السيدة عيشة وبولاق والمنوفية وأي حد ممكن يلعب في القشرة الأرضية، ورقصني يا جدع ! وعلق الباحث السياسي خليل العناني : المجلس الاعلى للعالم يعلن عن فتح باب الترشيح لعضويته ويشترط أن يكون العضو خبير استراتيجي أو لواء سابق. بينما تنوعت تعليقات رواد التواصل الاجتماعي في السخرية من هذا التصريح ونرصدها كالتالي: - مطلوب سكرتيرة حسنة المظهر -لا يشترط المؤهل و لا الخبرة للعمل فى قسم النيازك و المذنبات بالمجلس الاعلى للعالم - من فضلكم يا حضرات.. سيستم النيازك كله واقع، كل اللي مقدم على نيزك على مديره في الشغل، أو منافسه في السوق، أو على كوك دوور علشان بيتأخروا في الدليفري يتفضل عند مستر روبرت علشان يختار التسونامي أو الإعصار أو البركان. وياخد معاه طلب ودمغة - احنا مش اقل منهم و في السنة اللي العالم حول فيها مسارات النيازك، مصر حولت الإيدز كفتة - بيقولك اييه بقى فيه حاجه اسمها المجلس الاعلى للعالم والمجلس دا فيه مين بقى ؟؟ فيه كل الاشقيه بتوع العالم غسان مطر بقى الله يرحمه و محمود المليجى وتوفيق الدقن وكل الاشقيه الله يرحمهم بيعمل اييه المجلس دا بقى ؟؟ دوول يشوفو اى دوله وهما قاعدين فى الترب بتاعتهم كدا يقومو مسلطين عليها براكين وزلازل وفيضانات ويدمرو البلد دى من غير حروب ولا اى حاجه - يعنى امريكا تقدر تعمل اعاصير فى الدول اللى عاوز تدمرها و ما تقدرش تمنع الأعاصير فى امريكا - يا تامر يا أمين... من ناحية في مجلس إدارة للعالم هوه في الحقيقة، لكن مش بيبعت نيازك ولا بيورد براكين وزلازل... بيحدف علينا إعلاميين وأصحاب قنوات فضائية - ازاى علماء الطبيعه طول المده دى مش بيستفيدو من تامر أمين؟..ازاى يوصل لسر البراكين والزلازل الللى بتحصل ف الدول والعلماء مكانوش واخدين بالهم م الحاجات دى ...وبعدين "النياظق" دى برضه مش هتسيبنا ف حالنا