كشف الكاتب الصحفي "محمد ابو الغيط" عن واقعة غريبة حدثت في مكتب الرئاسة حيث قام شخص بإختراق السيرفر الخاص بإيميلات مكتب رئاسة الجمهورية . وقال ابو الغيط في تدوينة : دلوقتي فيه موقع اتفتح اسمه "ابعت ايميلاتك من مكتب رئيس الجمهورية". يتيح لأي حد يبعت ايميل رسمي من مكتب رئاسة الجمهورية المصرية، يقول اي حاجة عايزها لأي جهة!! حسب المبرمجين اللي بيشدو شعرهم السبب ان السرفر open relay، يعني مش بنناقش هنا ان الشفرة سهلة أو بدائية، دي مفتوحة على البحري تماما! بقدر ما الموضوع مضحك، بقدر ما هوا حزين جدا ومخيف جدا. "بحسب وصفه" . وأضاف: المجهول اللي عامل الموقع ده سايب فيه نسخة من الرسالة اللي بعتها ليهم:عزيزي موظف العلاقات العامة ,, تحية طيبة و بعد,,
اه متستغربش، الرسالة جاية من الميل سيرفر بتاعكم علشان انتوا بتشغلوا موظفين IT بالوسايط، وييجي أي عيل جمب الميل سيرفر يبعت إيميلات منه للكوكب كله، وممكن يعلن الحرب على دولة ثانية أو يطلب معلومات حساسة من جهات سيادية، وبلاوي أخرى فبليز قبل ما تحفروا تفريعة جديدة لقناة السويس ابقوا سدوا ثقوب ملابسكم "......" مع تحيات مبرمج طالع عين أمه. وتابع أبو الغيط: اللي عامل الموقع بيشرح الموضوع تفصيليا تحت التامبلت في اسئلة واجوبة، ومنها انه قبل ما ينشر حاول يقوم بدوره الوطني وبلغ عن الكارثة اللي اكتشفها فتم تجاهله، فقرر يثبت الموضوع علني بالطريقة دي.