زعم حسام عاطف فاروق، مصور عازفة الناي ندي سلامة، أن ندي لم تمت أو تنتحر، وإن ما يقال عن ذلك مجرد مزاعم مشيرًا إلى أن الصور التي التقطها لها كان سينظم بها "معرض ليلي"، مضيفًا أن ندي من أكثر الشخصيات التي تورط نفسها في مشكلات. وأضاف عاطف في تدوينة له عبر موقع التواصل الاجتماعي "فيس بوك" "الناس اللى مستغربة موقفى من ندى عشان بس أخلص الهرى بتاع الناس ده عشان أنا متأكد إن ندا مامتتش وحتى لو ماتت أنا مليش في جو أعود أكتب أجمل لحظاتى معاها وأحط صورة سودة عشان الحزن بيبقى في القلب مش على فيس بوك". وتابع "الناس اللى بتقول إنى بتاجر بالصور بتاعتها، أنا لو عاوز أتاجر بندا كنت تاجرت بيها وهي موجودة وموضوع حوار المعرض أنا كنت دايمًا أقولها إنى مش هديها الصور عشان فعلًا أنا عاوز أعمل معرض ليل للصور اللى أنا مصورهالها.. هقولكم تانى ندا مامتتش ولا انتحرت ولا الهري ده مفيش أي دليل على كده بس لازم تعرفوا إن ندى أكتر شخص بيورط نفسه في مشاكل وحوارات من غير قصد وكلها كام يوم وتشوفوا إنها عايشة.. بالله عليكم ما عايز حد يكلمنى ويسألنى أي أسئلة تانية". يذكر أن صفحات التواصل الاجتماعي أثارت جدلا حول وفاة فنانة الناي ندي سلامة، حيث زعم البعض أنها انتحرت، فيما ادعي آخرون أنها توفت بشكل مفاجئ يوم السبت الماضي، وتم تشييع جنازتها ودفت جثمانها ظهر أمس الأحد، بينما لم يؤكد أحد حقيقة وفاة ندي أو أنها لا تزال حية ترزق.
