أشارت الدكتورة ليلي إسكندر, وزيرة العشوائيات, إلى أن هجرة أهالي الصعيد إلى القاهرة تعد من الأسباب الرئيسية في انتشار العشوائيات, قائلة "مش عارفة هنرجع الصعايدة لمحافظتهم تاني إزاي". وقالت الوزيرة، خلال المؤتمر السنوى لكلية الاقتصاد والعلوم السياسية بجامعة القاهرة، مساء الأحد: «أنا مش جاية النهارده عشان أعرض إنجازات ولا سياسات الوزارة، لكن عشان أعرف منكم اقتراحات؛ لأنه مينفعش أكون فى وسط كلية الاقتصاد والعلوم السياسية ولا أخرج بأفكار". وأثارت تصريحات الوزيرة غضبا شعبيًا وبخاصة بين صفوف الصعايدة المهاجرين للقاهرة بحثا عن فرص عمل أفضل, والذين عبروا عن غضبهم من خلال حسابهم الشخصي على مواقع التواصل الاجتماعي. وتنوعت تعليقات المواطنين ما بين "نقتل الصعايدة", "أكتر ناس مخدتش حقها من مصر الصعايده", "الحكومات المتعاقبة بدل ما يتنيلوا على عينهم ويعرفوا انهم سبب البلوة ... مهو لو فيه وظائف فى الصعيد ايه اللى هيشحططه بره بلده", "مالك بالصعايدة شكلك هتحصلى وزير العدل", "يعنى مش ذنب الحكومة اللى اضطريتهم لكده", "بصراحه تصريحات مش مسؤوله خااااالص ...صحيح الهجرة الداخلية سبب تكدس العاصمه وظهور العشواءيات بس مش للصعايده وبس ...كانت قالت الهجره الداخليه...لازم المسؤولين ياخدوا كورس في طريقه القاء تصريحاتهم والا يتلهوا ويسكتوا", "معلش يام لسان طويل ماحنا لو معانا فلوس زيكم كنا فى سكننا فى فيلل وقصور جنبكم". شاهد الفيديو: اقرأ أيضا...
ليلى إسكندر: "عمرى ما كنت أتصور أني أكون وزيرة"
ليلى إسكندر: لا نمانع بإعادة توطين أهالي منطقة "مثلث ماسبيرو"
ليلى إسكندر : التشاور مع قاطني العشوائيات من أجل التطوير