حذرت الناشطة السياسية، غادة محمد نجيب، العضو المنشقة عن حركة "تمرد"، ثوار تونس من تكرار ما حدث في مصر من ركوب "الفلول" لثورتهم ضد حكم الإسلاميين في البلد الذي مهد لثورات "الربيع العربي". وقالت في رسالة لهم: "احذروا هينزل معاكم فلول بدعوى إن إحنا و انتم و"احد ضد الإخوان (حركة النهضة)، أوعوا تصدقوهم هيركبوا ثورتكم". وأضافت "الرئيس بتاعكم هيعاند وهيقرفكم، استحملوا و كملوا من غير مساعدة حد "عشان مش يجيلكم واحد يسبل لكم ويقول إنكم نور عينيه، الإخوان هينزلوا يعتصموا، سيبوهم لغاية ما يزهقوا، عشان ماتنجروش في طريق العنف اللي مش بيجيب غير العنف". وتابعت: "هتتعمل مرحلة انتقالية، هاتوا رئيس بينطق اوعوا تصدقوا أن حالة الطوارئ لمدة شهر بس، ماتنزلوش الشرطة في وسطكم في الميادين و تشيلوهم على أكتافكم، عشان هما أوساخ وبيمثلوا عليكم، العسكر هيقعدوا يحكوا فيكم، وهيجيبوا لكم متحدث عسكري موز ماتصدقوش برضو". وأردفت "هييجي واحد أصلع، أوعوا تناقشوه في حاجة، عشان دا عارف ايه اللى هيحصل.. مش عشان دجال.. عشان هو خبرة، لو استقال.. اتأكدوا انكم ماشيين غلط.. واستنوا معانا الموجة الجاية من الثورة". وختمت نصائحها إلى ثوار تونس قائلة "اسمعوا كلامنا .. عشان الإجابة تفضل تونس".