طالبت الناشطة السياسية أسماء محفوظ، متظاهري اليوم بترك أطفالهم في منازلهم وعدم اصطحابهم ليكونوا في مقدمة المسيرات، لافتة إلى أنهم مسلوبو الإرادة وفكرهم لم يتكون بعد. وأضافت محفوظ، في تدوينة لها عبر موقع التواصل الاجتماعي "فيس بوك": "يا ناس.. كل صاحب إرادة ينزل يعمل اللي هو عايزه، لكن تنزلوا أطفالكم معاكم دي جريمة في حقهم.. ماحدش هيرحم ولادكم غيركم وهما الجيل اللي هيشيل البلد دي في المستقبل وكل اللي بنعمله عشانهم". وبعثت برسالة للأمهات قائلة: "يا كل أم حامل أو معاكي طفل رضيع ما تنزليش أصلا.. الزمي بيتك دي مش تضحية ده ارتكاب جريمة قتل وانتي اللي مسئولة عنهم.. يا كل أم عندك طفل وعايزة تنزلي تشاركي سيبيه في البيت مع أى حد وانزلي أو متنزليش لو مالوش مكان تانى غير معاكى". وقالت: "بالله عليكم بلاش الأطفال في المظاهرات والاعتصامات.. دول مسلوبى الإرادة.. أبرياء مالهمش أى ذنب". واختتمت محفوظ تدويناتها قائلة: "أرجع وأقول إن كل اللي بيحصل ده وكل اللي إحنا فيه والوضع الكارثي المأساوي ده كله بسبب الإخوان، في مليون "لو" لو ماكانوش عملوها كان الوضع اختلف".