..قامت الثورة، ووضع الملايين رءوسهم فوق أكفهم، وضحى المئات من خيرة شباب المحروسة بأرواحهم الطاهرة، وفقد الآلاف عيونهم، واحتفظوا داخل أجسادهم البريئة بعشرات الشظايا حتى لا ينسوا.. وبعد عام ونصف.. كان أهم إنجازات الثورة أن مبارك سيغير ألوان «الترينج سوت» ويلتزم باللون الأزرق، مثل صديقه حبيب العادلى، الذى «لبس» الأزرق ولم يشتك أو يتبرم. وعلى ذكر «اللبس»، هل تذكرون القصيدة البديعة التى انتشرت على مواقع التواصل الاجتماعى منذ فترة؟.. لقد تم تحديثها.. وأعتقد أن الوقت مناسب لنشر «التعديلات». «البس» يا شعب عشان نازلين.. «البس» بكعب بلاش فساتين «البس» يا شعب عشان خارجين.. وبلاش العباية اللى بكباسين.. «البس» وخللى روحك تمللى جاهز لسحل عظيم ومتين.. البس وظبط «أزرق» ومخطط وحى طنطن أبو الطناطين.. ..ولا أقولك.. «البس» بكم.. دى حاجة تغم واقعد فى ميدانك آه يا حزين قانون «ساكسونيا» بيحاكم الضل ويبرئ القتلة والمجرمين. آسفين يا عيلاء.. آسفين يا جيمى آسفين يا سالم.. آسفين يا عز آسفين وشكراً ع «الإسفين» «البس» يا شعب.. فين ال «فازلين» هنروح نزور حبايبنا «الحلوين» ما أمن الدولة راجعين.. راجعين «البس» يا شعب عشان هنروح لندن نسلم على «ممدوح» ولما نرجع لازم نبارك لجيمى وعيلاء عيال مبارك الحلوين البس يا شعب وروح وبارك للى بكل طريقة.. قتلوك انزل بسرعة احضن وبوس كل اللى ياما خانوك وباعوك الدمعة حايرة على الخدين والفكر رايح شمال ويمين فين أبو الفتوح.. وفين حمدين «البس».. واستنى ده زفت الطين جاى لك هيحكم فى الملايين وبكره يكرم صاحبه «الأمين» والثورة؟!.. ثورة إيه؟ ثورة مين؟ حياتكو الباقية يا مصريين حياتكو الباقية يا مصريين وحفظ الله مصر وشعبها من كل سوء. [email protected] twitter@hossamfathy66