قال الإعلامي سامي كمال الدين، إن احتشاد عدد كبير في تشييع جنازة الدكتور عمر عبد الرحمن أمس يعكس بقوة أن التيار الإسلامي مخلص لمن معه على عكس التيارين اليساري والناصري. وكتب كمال الدين، على صفحته الشخصية "فيس بوك: "أغلب المثقفين والليبراليين زعلانيين من الحضور المهول المدهش الكبير الرهيب في جنازة الشيخ عمر عبد الرحمن طيب اركن الغل اللي جواك على جنب، وقوللي بعيدا عن الإنتماء.. وأنا ذيك بالمناسبة لا إخوان ولا جماعة اسلامية، ولا في دماغي ،بس قوللي: ليه جنازة فنان كبير أنا بحبه الله يرحمه زي عمر الشريف أو محمود عبد العزيز متجيش ربع في المية من الحضور لجنازة عمر عبد الرحمن". وأضاف: "ليه جنازة عمر عبد الرحمن اللي مش مشهور في مصر زي محمود عبد العزيز أو سعيد صالح أو عمر سليمان أو العالمي الرائع عمر الشريف ( الله يرحم الجميع) كانت أكثر من كل هؤلاء بمئات المرات ،حضور الشعب المصري في جنازة عمر عبد الرحمن امتد على مساحة أكثر من كيلو". وتابع: "لن أخاطبك بالقول بيننا وبينهم الجنائز، لكن مش يمكن الأوساط بتاعتنا أندال وبتوع مصلحتهم، علشان كده لما بيموت حد محدش بيمشي في جنازته، رغم انه وهو عايش كل العالم يتمنى ياخد صورة معاه أو يقابله ،أعتقد التيار الإسلامي مخلص لمن معه، لما يؤمن بيه، بصرف النظر صح أم خطأ ،ومخلص أيضا لفكره ولرجاله، ويمكن ده سر قوة جماعة زي الإخوان انها ملتفة حول فكرة، ومنهاج، عكس اليسار أو الليبرالي". واختتم: "نضفوا قلوبكم وتأملوا طويلا لماذا خرجت الجماهير بكل هذا الحب في جنازة عمر عبد الرحمن رحمه الله".