انتقد الدكتور خالد رفعت - الأستاذ بجامعة قناة السويس - اهتمام موقع السي إن إن بمطالبة الممثلة فاطمة كشري للرئيس عبد الفتاح السيسي بارتداء "كلاسين" لحماية نفسه من البرد ، مؤكدًا أن هناك شبهة تعمد في إخراج هذه الرسالة للجمهور . وقال "رفعت" في تدوينة: "مين فاطمة كشري بقى ؟ .. ممثلة كومبارس درجة 17 أول مرة أسمع عنها النهاردة ... مش عشان عملت حاجة رهيبة ... لأ لانها طلبت من الرئيس السيسي على الهواء فى قناة MBC مصر أنه يلبس كلاسين تحت الهدوم عشان البرد لاننا محتاجين له". وأضاف: "تصوروا بقى ال CNN عاملة تقرير عن اللقاء؟ .. آه السي إن إن أكبر شبكة إخبارية فى الكون عاملة تقرير عن فاطمة كشري .. وطبعا بكرة حنلاقى الواشنطن بوست والجارديان بيكملوا مسيرة التشويه". وكشف "رفعت" مفاجأة كبيرة عن طبيعة عمل تلك القنوات قائلًا: "أى حد بيطلع فى التليفزيون يعرف كويس أن فى DELAY حوالى من 3 الى 5 ثوانى بين التسجيل فى الاستوديو والإذاعة على الهواء ... وده عشان يقدر الكونترول يحذف او يمنع الصوت عن أى شتيمة أو تهبيل زى ده" .. مضيفًا:. "أطالب بالتحقيق مع إدارة البرنامج و وردية الكونترول اللى كانت موجودة ساعتها ... فلا يليق أن يذاع أى هبل يستغله الغرب لتشويه صورة الرئيس ومصر" .. مستدركًا: "مننساش أن دى القناة اللى بتتعمد تذيع الإساءات لمصر فى برنامج أبو حفيظة وقبلها باسم يوسف" حسب رأيه.