أسبوع والتانى والتالت والمجلس شايف ومطنش والناس ع الباب قاعده ونايمه ماسمعش نداهم وماحسش ولا عضو هُمام بص عليهم ولا حد سأل عن شكاويهم وكأن الناس واقفة فى مالطة وكأن الناس دى مابتأنش أسبوع والرابع والخامس والمجلس أعمى مابيشوفشى! طب فايدته إيه حد يقولى؟ لما بنندهله ما يسمعشى! طيب الناس راح تشكى لمين؟ والنائب عنهم هربان فين؟ يمكن فى المجلس طُرشان أو سامعه بس مابتقولشى أسبوع والسادس والسابع بينام فى الشارع ستات لو فيه مسؤول عنده شهامة وبيفهم كان طق ومات لكن المسؤول سارق الكرسى مستنى البيعة عليه ترسى إزاى هايفكر فى الناس والباشا أمير ابن ذوات أسبوع والتامن والتاسع! يا أخى ملعون ده دستور اللى مايحميش الغلبان ولا عمرنا شفناه فى النور مكتوب مخصوص للمحاسيب وكلامه ملفق وغريب لبسنا العمة والحدوة ولبس للعالم طرطور أسبوع والتاسع والعاشر وحكومة بحالها بتتفرج على شعب جريح وبيتألم والنواب نايمة وبتهرج عايزين ببارودة يطخوه من بعد ما شبعوا ونهبوه وكمان وافقوا له على مد قانون فى الحق كسيح أعمى وأعرج سيد أحمد الهمشرى [email protected]