الشمس طالعة زى ما فى كتب التاريخ والناس بتقطف م الشوارع حلمها تنده.. تُجاب وتصرخ الآهه اللى متحاشة لسنين ولا خايفة ولا مترددة يا مين يعيش ويشوف كده ويشوف كمان.. الناس بقت متمكنة وصباعها فى عينين التخين ولما تدعى.. الأرض تدفى ويّا ترديدة آمين والعدل دستورها اللى مكتوب ع الورق أما الرئاسة.. لمدتين يا مين يعيش ويلاقى يوم مين كلّفه.. يتولى أمره.. بينصفه ولا دارى خيرها وكنّزه ويقول لنفسه.. ساعة ما يسمع وسوسة «أهبش شوية للزمن» يا مين يعيش