وجه سيد عبدالحفيظ مدير الكرة الأسبق بالنادي الأهلي، رسالة إلى إمام عاشور نجم النادي الاهلي، بشأن تذبذب مستواه مع المارد الأحمر في المباريات الماضية، مطالبًا الجمهور بوضع اللاعب في مكانته الطبيعية التي يستحقها أنه لاعب مميز جدًا. وقال سيد عبدالحفيظ، في تصريحات تليفزيونية عبر شاشة «إم بي سي مصر 2»: «الناس بتتكلم على إمام عاشور كتير جدًا، وده مش صح خالص، هو شخص طيب جدًا هو أة مشتغلش معايا». وأضاف: «في أسماء ممكن الضغط والجماهيرية والنجومية لما بتيجي بيبقى في إتزان بيقابل الموضوع ده زي أبوتريكة وبركات عندهم الاتزان ده، وفي ناس مش عندهم». وأكمل: «إمام عاشور في أول طلعة خد رصيد كبير جدًا في قلوب الناس، لازم يكون الدعم مستمر، أة هو لسه قدامه كتير يقدمه للنادي بس لازم نسانده». وعن مقارنات أداء إمام عاشور مع الأهلي والزمالك، قال عبدالحفيظ: «إمام عاشور أرقامه حلوة جدًا مع الأهلي برغم كل الانتقادات اللي تلقاها الفترة الماضية، وعلى الناس أن تضعه في المكانه الطبيعية أنه لاعب كبير جدًا». وأردف: «إمام عاشور عشان يوصل ل أنه يبقى نجم وأسطورة، محتاج أرقام، أنت مؤشر جامد جدًا في الإمكانيات والقدرات لازم تبني على كل خطوة بتاخدها». وأتم سيد عبدالحفيظ حديثه قائلًا: «نصيحتي ل إمام عاشور اللي جاي أصعب، وكل ما تعدي على مرحلة خد اللي بعدها، ولديك من الإمكانيات أنك تروح في حته بعيدة جدًا».