وجه إبراهيم سعيد، نجم الأهلي السابق، رسائل نارية إلى محمد شريف، مهاجم الفريق الأول لكرة القدم بنادي الأهلي السابق والخليج السعودي الحالي. وقال إبراهيم سعيد، في تصريحات تلفزيونية عبر فضائية «النهار»: «محمد شريف، من اللاعبين المميزين والنادي الأهلي افتقده، ممكن يكون كولر، المدير الفني للأهلي مش مقتنع بيه ولكنه لاعب مميز جدًا». وأضاف: «النادي الأهلي افتقد محمد شريف، فهو كان له دور كبير في تتويج الفريق بالعديد من البطولات، لكن أنا دلوقتي مش عارف مستواه عامل إزاي، اسمه مش بيتردد سواء متألق أو مش متألق هو مش موجود». وتابع: «محمد شريف، قال (الزمالك وبيراميدز تواصل معي والأولوية للنادي الأهلي)»، مضيفًا: «أنا بقول لمحمد شريف، كولر، مش عايزك؟ في ظل بحث الأهلي على مهاجم كولر، لم يطلب عودتك». وأكمل: «لو إنت شايف إن عودتك للأهلي مش هتكون أفضل حاجة، أنا بقولك شوف طريقك، ده حقك اختار الطريق بتاعك، لأنك بعدت عن الساحة الرياضية المصرية خلال الموسم الماضي وهذا الموسم، إنت كنت في أوقات كتيرة بتبقى موجود مع منتخب مصر، إنت دلوقتي خسران بعدم ظهورك وبعدم تواجدك». وتابع: «وارد محمد شريف، ينتقل لنادي بيراميدز أو وارد ينتقل للزمالك، في الأول والأخر إنت اللي بتختار إنت وكيل أعمالك، في النهاية أتمنى التوفيق، لمحمد شريف، لأنه من اللعيبة المميزة».