تحدث إبراهيم سعيد، نجم الأهلي والزمالك السابق، عن احتمالية انتقال محمد شريف، لاعب الخليج السعودي الحالي، إلى القلعة البيضاء. وشهدت الفترة الماضية أقاويلًا عدة بشأن وجهة محمد شريف المقبلة، واقترابه من الرحيل عن صفوف الخليج، خلال فترة الانتقالات الصيفية الجارية. وقال إبراهيم سعيد في تصريحات تلفيزيونية: «الكلام على محمد شريف. هو اتكلم أنه مش هيلعب غير في الأهلي، لكن الكورة دلوقتي احتراف وارد إنه يغير وجهته». وأضاف: «مارسيل كولر أكيد مش عايزه لأن هو اللي مشاه وأنا كمدير فني مشيت لاعب مستحيل أرجعه تاني». وأكمل: «طول ما كولر موجود محمد شريف مش موجود بنسبة 80 أو 90% لأنه اتعرض عليه أكثر من مرة وكان رافض». وتابع: «ممكن محمد شريف يغير وجهته للزمالك، ده وارد لأنه عايز يرجع ويلعب في منتخب مصر ووارد إن مجلس الإدارة يكلمه. في النهاية هي كورة واحتراف والاختيار له هو».