رد محمد ناجي جدو، المدرب العام بنادي بيراميدز، على تصريحات أحمد سليمان نائب رئيس نادي الزمالك، بشأن تصريحات الأخير وهجومه على الفريق السماوي وأندية الشركات بصفة عامة. وقال جدو في تدوينه له عبر حسابه الرسمي على منصة «إكس»: «الكابتن أحمد سليمان طلع امبارح وهاجم بيراميدز وأندية الشركات قال علامات استفهام على بيراميدز عشان مش بيدوهم لاعيبة وإنهم بيشتروا لاعيبة وإنهم بيصرفوا كتير وبيدخلهم فلوس قليله ومش بيسيبوا لاعيبة تحترف!». وأضاف: «أولا بيراميدز اداهم عمر جابر ودونجا وعبدالله السعيد وهما دلوقتي أحسن لاعيبة في الزمالك، وهل لو بيراميدز كلم الزمالك إنهم عايزين زيزو مثلا الزمالك هيوافق؟ وما سبتش زيزو يحترف ليه؟!». وأكمل مدرب بيراميدز: «ثانيا طبييعي أن بيراميدز يشتري لاعيبة ويقوي القايمة زي كل الفرق، وثالثا ممكن تقولنا يا كابتن أحمد الزمالك بيصرف كام وبيدخله كام وهل بيكسبوا فلوس من الكوره أكيد لا. الزمالك دفع أكتر من مليار جنيه غرامات بس!! ف ممكن تقولنا الكورة في الزمالك بتكسب كام!». وزاد محمد ناجي جدو: «رابعا من أول المجلس نجح في الانتخابات وكل لقاء تليفزيوني من أول الرئيس لأصغر عضو بيتكلم عن رمضان وعايزين رمضان صبحي مع أنه متعاقد مع النادي لمدة ثلاث سنوات ودي حاجة عمري ماشوفتها في أي حته في العالم لا في مصر ولا بره مصر إن مسؤولين نادي بيتكلموا عن لاعب في نادي تاني وتعاقده سارٍ لمده 3 سنوات!!». وأتم المدرب العام بنادي بيراميدز تصريحاته قائلًا: «بصراحة انتوا اللي عليكم علامات استفهام!». وفي سياق قريب، من المقرر أن يتواجه الزمالك وبيراميدز في نصف نهائي السوبر المصري يوم الأحد المقبل الموافق 20 أكتوبر الجاري في دولة الإمارات.