رد ثروت سويلم، عضو رابطة الأندية، على الشكوى المقدمة ضده من قبل نادي الزمالك، وموقفه من التحويل للجنة الانضباط وقال ثروت سويلم في تصريحات عبر برنامج «الكورة مع فايق»: «كل الاحترام لمسئولي الزمالك، فعلًا قدموا شكوى فيا في لجنة الانضباط. تم طلب مني تقديم مذكرة لأني عضو مجلس نواب، ولما يكون في مسألة لازم يكون في مذكرة يتم تقديمها مني». وأضاف: «لكن لا نادي الزمالك اتكلم في الموضوع ده تاني، وأنا قابلت رئيس النادي، حسين لبيب، في ماتش السوبر بالرياض واجتماع الأندية، وقولتله في فرق بين حديث يقصد به إنك تقلل من الزمالك، ومحدش يقدر يعمل ده، والموضع كان مجرد حوار عن الدوري». وأكمل: «الموضوع مفيهوش جديد أو استفسارات من لجنة الانضباط. أنا لم أسلم المذكرة، واحترامًا للجنة الانضباط مينفعش أتجاهل الكلام ده. لازم أقدم المذكرة، عشان ميتقالش إني بستهين بالشكوى، يتم فحصها، ويُرد بيها على الزمالك».