كشف محمد رمضان المدير الرياضي بالنادي الأهلي، مساء اليوم الأحد، كواليس مقابلته الأولى مع السويسري مارسيل كولر، المدير الفني للفريق الأول لكرة القدم بالقلعة الحمراء. «أنا مش جاي أتدخل في شغله».. محمد رمضان يكشف كواليس مقابلته الأولى مع كولر قال محمد رمضان، المدير الرياضي بالنادي الأهلي في تصريحات عبر برنامج «حارس الأهلي» على شاشة قناة «الأهلي»: «كانت مفاجأة بالنسبالي وللتخطيط بالكامل إني أتولى منصب المدير الرياضي». وأضاف: «وبستعد من ساعتها وبطلع على كل حاجة عشان أفهم التفاصيل، وده جيل جديد بتعامل معاه فلازم أبقى مناسب ليهم، لازم أواكب العصر». وتابع: «كلهم أصغر من ولادي، وهم مثل أبنائي، والتعامل حاليًا جيد وهيكون في تحفظ بيني وبينهم، مفيش حاجة هتكون معلنة». وواصل محمد رمضان: «طبيعي يكون في أخطاء بس مش مُعلنة عشان نعرف نحل، وبنظر على الإيجابي، وبتناقش مع اللاعيبة في اللائحة، ودي حقوقهم، وأنا صاحب القرار وهما مش عبيد». وأكمل: «وفي نقط أنا منفتح وهغير بناءً على قناعاتي، ونغير طبعًا طالما ده السلي، وإحنا في بداية الموسم وده صعب مش هنلحق نرتب وعدد القائمة محدد». وزاد: «أنا كبرت ومعندش اندفاع زي الأول برضو، ومحمود الخطيب أبلغ كولر بقرار تعيني قبل خروجه بشكل رسمي وعلى السوشيال ميديا». وأتم: «وأنا مش جاي أتدخل في شغله والمهم مصلحة النادي، وأنا جديد عليه، وأنا مقتنع إن العاملة هي إللي بتبين الشخصية».
