تحدث طه إسماعيل، نجم الأهلي السابق، عن أبرز عيوب مارسيل كولر، المدير الفني للفريق الأول، رغم نتائجه المميزة مع الأحمر. وقال طه إسماعيل في تصريحات عبر قناة «أون تايم سبورتس 1»: «النادي الأهي يختلف عن الأندية كلها، يعني سلم المدرب مفتاح النادي، بمعنى كل صغيرة وكبيرة بالنسبة للكورة هو المسؤول عنها». وأضاف: «ده في عرف كرة القدم إذا كان ليه ميزة فله عيوب، بتديله كل اللي عايزه عشان تحاسبه، والمفروض اللي مش عايزه دي شغلة النادي، مينفعش أشيل حد من القائمة وأنا مدرب، لأني ممكن أمشي بعد بكرة، واللاعب يكون مفيد، ميتحكمش في مين مش عايزه». وأكمل: «المدرب أحيانًا له لحظات ممكن اللحظات دي قفلت على لاعب، مع إن بعد شوية يصبر عليه، مثلًا أفشة أنا مش بقول لازم يلعب أساسي لكن أحيانًا بينزله بعد الدقيقة 75 ومع هذا أفشة ربنا بيكرمه ويجيب أجوال حاسمة». وتابع: «لدرجة إنه أخيرًا اعترف إن أفشة عنده ميزة يسجل في الأوقات الحاسمة والمباريات الحاسمة، لكن مفيش شك إنه نظم الفريق بشكل كويس».