كشف محمد سالم، والد الطفل عمر، 11 سنة، الذي يتهم ابن الفنان محمد رمضان بضربه والتعدي عليه وإصابته بكدمات، أثناء تواجدهما في نادي شهير بمدينة 6 أكتوبر. وقال سالم، خلال برنامج «الحكاية» عبر قناة «إم بي سي مصر»، مساء الجمعة، إن الموضوع عبارة مشادة بين أطفال، متابعًا: «الموضوع بسيط، والطبيعي له طرق للحل، لكن للأسف المشادة اتقال فيها كلام من عينة انتو متعرفوش أنا مين؟ وأنا ابن مين؟». وأضاف: «الأطفال كانوا بيلعبوا عند الألعاب المائية عند الزحليقة، فحد تقريبًا خبط في ابن الشخص اللي أنا مدعي عليه، ابني تدخل عشان يحوش بين الاثنين، فالوالد قاله انت متعرفش أنا ابن مين؟ وبعد كده حصل تلاسن وتجاذب بالأيدي». وتابع: «الموضوع خلص على كده، لكن على ما يبدو إن الطفل الثاني اتصل بوالده، بعدها ابن الشخص ده جري على ابني، ومسك الموبايل وصور ابني تقريبا كان مشغل فيديو كول وبيشاور على ابني وأصحابه وبيقول هما دول». وأكمل: «بعدها الولد تتبع ابني وحجز في الحمام، قفل عليه الباب، مش عارف دي فكرة الولد الصغير، أنا هسيب الموضوع للنيابة، حد من أصدقاء ابني فتح له الحمام، وخرجوا لقوا الفنان محمد رمضان غاضب جدًا». واستطرد: «محمد رمضان بدأ يوبخ الأولاد، وخدهم وادهم لابنه وبدأ بيقولوا مين فيهم اللي ضربك؟ وبعدها همس في أذن ابنه، وبعدها ابنه ضرب ابني بالقلم على وشه، وفي شهود بهذا الكلام، وحاش ابنه وراه». وأشار والد الطفل، إلى أنه لجأ إلى القضاء من أجل الحصول على حق ابنه، لافتًا إلى أنه جاري تفريغ الكاميرات من قبل النيابة. اقرأ المزيد: *هل أباح أبوحنيفة المساكنة والزنا بأجر؟ مبروك عطية: «الحد لا يقام في هذه الحالة» *«هتعيش أد سيدنا نوح».. حسام موافي يكشف عن عادة صحية قبل الأكل (فيديو) *نصف مليار جنيه رشوة.. تفاصيل جديدة عن فضيحة «صفر المونديال»