بسبب عمرو أديب .. أبرز تصريحات ياسر قنطوش بعد تنازله عن قضايا شيرين عبد الوهاب

آثار محامي الفنانة شيرين عبدالوهاب، المستشار ياسر قنطوش جدلا واسعًا عبر مواقع التواصل الاجتماعي، بعد المؤتمر الصحفي الخاص بتنحيه عن تولي قضايا موكلته أمس، وذلك بسبب تصريحاتها حول قضيتها وأزماتها مع شركة روتانا للصوتيات والمرئيات في مداخلة مع الإعلامي عمرو أديب عبر برنامجه «الحكاية»، والتي نشبت بسبب عودتها لنشاطها الفني بأغان جديدة تسببت في خلافات بينهما، إذ كانت شيرين تطرح أي أغنية من ألبومها الجديد تقوم الشركة بحذفها على الفور من منصات الاستماع الموسيقي.
أبرز تصريحات ياسر قنطوش في المؤتمر الصحفي الخاص بقضايا شيرين عبدالوهاب
1- لم أخسر أيًا من القضايا التي أُسندت لي منذ التعاون مع شيرين عبدالوهاب.
2- الناس فهمت من كلام شيرين عبدالوهاب مع عمرو أديب في المداخلة إن ياسر قنطوش بيورطها.
3- أنا شلت شيلة مش شيلتي وشغل مش بتاعي لأن القضايا دي كانت مع محامي زميل آخر.
4- ما تم ذكره في مداخلتها مع الإعلامي عمرو أديب كانت تقصد به أحد المحامين الذي كان مسؤولا من قبلي عن قضاياها مع شركة روتانا.
5- شيرين عبدالوهاب في قضية حسام حبيب لما رجعلها العربية شيرين قالتلي في الطريق أنا عايزة أتصالح وعفى الله عما سلف.
6- عندي عتاب على برنامج الحكاية لإني عملت معاهم حوار كامل وخدوا منه 7 دقايق والناس معرفتش أنا عايز أوصل إيه.
7- الإعلامي عمرو أديب اقتطع جزءا كبيرا من لقائي معه عبر برنامج الحكاية، واكتفى بعرض دقائق قليلة لم توضح موقف الفنانة شيرين عبدالوهاب مع شركة روتانا.
8- أسرار شيرين وحياتها الشخصية أنا مش هفشي أي حاجة عنها، ولا عن قضاياها مع شركة روتانا لأن دي أخلاقيات مهنة.
9- اللي بيني وبين شيرين عبدالوهاب كبير وأنا بحترمها وماسك القضايا بتاعتها بقالي سنتين وبقدرها.
10- شيرين غلطت فيا لما قالت مع عمرو أديب إن المحامي بتاعي اتكلم غلط.
11- كرامتي فوق كل شيء وفوق أي مغريات وأنا لسه ماسكلها القضايا بتاعتها لحد ما تلاقي محامي تاني.
12- متواصلتش مع شيرين عبدالوهاب بعد مكالمة عمرو أديب لإني كنت منفعل وفي ناس حواليها وصلولها خبر إني سبت شغلها.
13- لازم أوضح للناس مين اللي مش شايف شغله وسبب إني أسيب الشغل معاها دا حفاظا على اسمي وشيرين اللي فيها مكفيها وربنا يقويها على اللي هي فيه.
ياسر قنطوش يوقف العمل مع شيرين عبدالوهاب
مؤخرًا، أصدر المستشار القانوني ياسر قنطوش بيانا صحفيا، منذ قليل، أعلن من خلاله تنحيه عن تولي قضايا الفنانة شيرين عبدالوهاب، وتنحيه أيضا عن كونه محاميها الخاص.