كشف محمد الشناوي، حارس مرمى الأهلي، سبب تأخر حسم موقفه مع القلعة الحمراء، سواءً بالاستمرار أو الرحيل مع قرب نهاية عقده. وقال محمد الشناوي في تصريحات عبر قناة «أون تايم سبورتس 1»، بشأن عروض رحيله: «في أندية بتتكلم بس كله كلام، مفيش حاجة بشكل جدي، أنا عمري ما هطلع إلا عن طريق الأهلي، والنادي يقرر أخرج أو لا». وأضاف: «عقدك فاضل فيه قد إيه؟ 6 شهور، ومن أول السنة اللي فاتت قعدنا مرة أو مرتين بخصوص موضوع التجديد، بس لحد دلوقتي محصلش حاجة». وأكمل: «هل كان في اختلاف ببعض الأمور؟ لا مفيش اختلاف. الأهلي بيتي والمسؤولين بيقعدوا ويتكلموا معايا، لكن الفترة اللي فاتت في حاجات كتير وملفات مهمة هما أكيد مشغولين عشان كدة أنا ميهمنيش، أهم حاجة مصلحة النادي في الأول والآخر». وتابع: «عمري ما أندم على حاجة جاتلي أو راحت، كان في عرض من نادي النصر، والأهلي كان شايف إني أكون موجود مكنش في مشكلة، والعرض التاني جالي إعارة ل 6 شهور، والموضوع خلاص مفيش، وأنا ابن النادي وموجود».