أكد رضا العزب لاعب الزمالك السابق، أن الدولي التونسي محمد علي بن رمضان لاعب كبير، وسيضيف للنادي الأهلي الكثير في حال إتمام الصفقة، بالمريكاتو الصيفي الجاري. وأوضح العزب، خلال تصريحات تليفزيونية على شاشة النهار: «سبب تعطيل صفقة محمد علي بن رمضان هو جمهور الترجي التونسي، والحملة الكبيرة ضد النادي الأهلي، والسؤال هنا ليه الترجي متعاقدش معاه بقاله سنتين في المجر، ليه مقلقين من الأهلي». وأضاف لاعب الزمالك السابق: «كله خايف من النادي الأهلي، وشايفه في حته تانية، وبيقولوا عايزين نعطله صفقة، وعارفين أن النادي الأهلي بعبع أفريقيا». وأكمل: «الأهلي بيفكر في اللعيبة الدولية، وبيجهز للبطولات العالمية زي كأس العالم للأندية، ومفكرش في بن شرقي عشان مش لعيب دولي، وهو مستني النادي الأهلي يفاوضه عشان كدة مش راضي يحسم مع الزمالك، وهو لعيب مزجنجي».