شارك مغنى المهرجانات عصام صاصا جمهوره ومتابعيه، مقطع فيديو ظهر خلاله منهارًا من البكاء، وذلك أثناء تواجده خارج البلاد، حيث أشار أنه سيتم القبض عليه أثناء وصوله لمطار القاهرة بسبب واقعته الشهيرة بدهس أحد الأشخاص، وتسبب في وفاته منذ أشهر. ونشر عصام صاصا الفيديو عبر حسابه الرسمي بموقع التواصل الاجتماعى «انستجرام»، وظهر خلاله قائلا: «دلوقتي نازل بلدي وممكن يكون هذا الفيديو أخر فيديو ليه، وعاوز أتكلم معاكم في حاجات مهمة، ممكن تجرى لي حاجة، وممكن أتاخد في المطار، أنا عاوز أفهم الناس ايه اللي حصل معي بالظبط علشان الناس مش فاهمة حاجة، كنت راجع من شغلي رايح أجيب ابني أعمله عقيقة أفرح بيه، وأنا راجع في نص الدائري بالظبط ماسك نص الطريق، هو الله يرحمه ويحسن إليه أنا مخبطتوش من على الرصيف زي ما الناس بتقول والخبطة كانت على الشمال مش من اليمين». وأضاف: «ربنا يعلم أنا كنت حاسس بأيه وقتها، والناس قالت عليه أني بدوس على الناس بفلوسي، أنا والدي متوفي من وعندي سنة وعشت عمري كله مع والدتي وعشنا أيام تحت خط الفقر، أنا ربنا كرمني من سنتين تلاتة، ومكنتش حابب أرد، لكن أنا ممكن أنزل متشفونيش تاني، أنا لبست قواضي وحوارات وأنا أغلب من أني أعمل أي حاجة في الدنيا». وتابع «صاصا»: «أنا محتاج دعمكم جدا وتدعو لي وتقفوا معي ولو كنت سبب في يوم من الأيام أني أفرح أي حد أنه يدعيلي، وأنا راضي بقضاء ربنا وواثق في القضاء المصري وأنه مش هيظلم حد ولا هيجي على حد». عرض هذا المنشور على Instagram تمت مشاركة منشور بواسطة S A S A | صاصا (@3ssam_sasa_official)
