أعلنت الفنانة فريدة سيف النصر، عن تعرض منزلها للسرقة أثناء غيابها عنه خلال الأيام الماضية. و كتبت فريدة سيف النصر، خلال حسابها الرسمي بموقع «فيسبوك»:«يا جماعة طنط فريدة أتروقت جامد، استغرب جدًا من اللي يمد إيده يأخذ حاجاتك بمنتهى البجاحة ويسرقك وأنت مأمنه جدًا». فريدة سيف النصر: سلمت بيتي لعديمة أمانة وأضافت: «طيب إزاي هاتسلم بيتك لحد وتلاقيه خانك وممكن تأذيه لكن يصعب عليك عيالهم، رغم أن سهل جدًا لو طلبوا الحاجات دي تديهالهم بطيب خاطر وبالحلال بدل مايبقوا حرامية وخاينين، أنا أول مرة في حياتي ابعد عن بيتي كتير ومن يوم ما رجعت للنهاردة كل شوية اكتشف كوارث متاخدة، كل ما احتاج حاجة أدور مالاقيهاش منك لله يا شيخة». و تابعت :«يا جماعة أنا واضح أني سلمت بيتي لعديمة أمانة وخاينة ومش عايزه أسب ولا أؤذي علشان ماعملتش لهم بلوك ويمكن عيالها يهزأوها، لكن لو في عندها ضمير؟ ضمير إيه وزفت ايه يا فريدة، العوض على الله بس مش هاتتهني أنا عارفة نفسي اللي بيخوني أو يظلمني ربنا في ظهري.. حسبي الله بجد.. هو أنا ناقصة.. الحمد لله». اقرأ ايضًا أول تعليق من فريدة سيف النصر بعد تقدمها ببلاغ ضد لاجئين (تفاصيل)