يتواصل الحديث عن أزمة حسين الشحات، لاعب الأهلي، ونظيره محمد الشيبي، لاعب بيراميدز، خلال مواجهة الفريقين الأخيرة. وتعرض الشيبي للطرد عقب تدخله العنيف على حسين الشحات، لتعيد للأذهان ما حدث من قبل بينهما بعد تعدي الثاني على الأول خلال إحدى المباريات. وفي هذا الصدد تحدث حسن مصطفى، نجم الأهلي السابق، قائلًا: «أنا دلوقتي في اثنين لاعيبة حصل بينهم موقف لازم يخلص في الملعب، أنا اتضربت بالقلم هديله بالقلم، لكل فعل رد فعل». وأضاف: «عدى الموقف وأنت تنازل عن حقك في وقته والراجل جه صالحك، السوشيال ميديا خليتك تغير قرارك والناس ولما روحت بيتك، ده أنا بشوفه ضعف. أنا مكان الشيبي دلوقتي حسين جيه ضربني هضربه، ده ضربه وحسين مشي طيب ما أنا اتضربت بالقلم أروح أضربه». وأكمل: «أنت دلوقتي بدل ما أخدتش حقك في الملعب خلاص مكنتش تعمل قضية وتكبر الموضوع وفي الآخر اللي حصل كله غلط، إنك تعمل عقوبات، وكان لازم مجلس الإدارة هنا وهنا يحل الموضوع».