علق إبراهيم سعيد، نجم النادي الأهلي ومنتخب مصر السابق، على أنباء الأزمة المثارة مؤخرًا داخل جدران القلعة البيضاء، بشأن تمرد لاعبو الزمالك بسبب مستحقاتهم المتأخرة. وقال إبراهيم سعيد في تصريحات عبر برنامجه «بلس 90» المذاع على قناة النهار: «تمرد لاعبو الزمالك بسبب المستحقات، ده حقهم أنهم يطلبوا بيه ويتكلموا مع الإدارة ويشوفوا المبالغ المالية بتاعتهم المتأخرة، لأن كل واحد عنده التزامات وده أكل عيشهم». وأضاف نجم الأهلي السابق: «ميبقاش أنا ليا عندك حق وحد يفضل يماطل، وكابتن حسين لبيب يطلع يعمل مؤتمر، طب ما طبيعي كل لعيب يرد على السوشيال ميديا أو الإعلام، ولو أنا موجود كنت هاخد موقف وأطلع أرد عشان ده حقي، والموضوع ده بصراحة مستفز». وأتم إبراهيم سعيد: «الموضوع لو تم تصعيده هيبقى أكبر من كدة، هتلاقي في أزمة بين الإدارة واللعيبة رد من هنا وهنا، ومش هنخلص منها، وليه متحلش أنت كإدارة المشكلة بتاعت اللعيبة وتديهم مستحقاتهم المالية».