علق أحمد حسام ميدو، نجم الزمالك السابق، على واقعة مشادة شريف إكرامي، حارس مرمى بيراميدز، مع زميله مصطفى فتحي، خلال مواجهة الأهلي. ونشبت مشادة على دكة بدلاء بيراميدز، خلال مواجهة الأهلي، وأثناء استبدال مصطفى فتحي، وسط خروج الأخير من المباراة غاضبًا عقب الاستبدال. وقال ميدو في تصريحات عبر قناة «أون تايم سبورتس 2»: «شريف إكرامي كان زعلان أكيد من مصطفى فتحي إنه خارج كدة» وأضاف: «شريف كان لازم يسكت بصراحة يعني مهما كانت خبراتك أنت خلاص الكبير والكابتن، مش عايز الناس تاخدها اهلي وزمالك دول زمايل» وأكمل: «إنما كان لازم شريف لا يتدخل لأن اللاعب وهو طالع زعلان سيبه، ده لعيب خارج مضغوط والحاجات دي بتجيب عكوسات، في اللحظة اللي بيتخانقوا فيها دي الكورة اللي زلاكا ضيعها، دايمًا الدكة لما بتبقى هادئة الأمور بتمشي».