كشف أحمد حسام «ميدو»، نجم نادي الزمالك ومنتخب مصر السابق، عن رأيه في تجديد الزمالك التعاقد مع يوسف أوباما، صانع ألعاب الفريق الأول لكرة القدم والذي ينتهي عقده مع الفريق الأبيض بنهاية الموسم الجاري. وقال «ميدو»، خلال حواره مع «المصري اليوم»: «أوباما لاعب جيد وهو في حالته مفيد لنادي الزمالك، التجديد له موضوع شائك». وأضاف: «عشان تبقى لعيب موجود في الزمالك لسنوات طويلة، لازم يبقى عندك استمرارية وثبات في المستوى، للأسف أوباما زيه زي لعيبة تانية كتيرة يلعب ماتشين كويس وأربعة لأ، وده مش نوعية لاعب الأهلي والزمالك». وتابع: «اللعيبة في الأهلي والزمالك مستواهم ثابت، زي زيزو وعمر جابر وحمزة المثلوثي، كل 10 مباريات ممكن مباراة يكون مستواك سيئا فيها، هذه مواصفات اللاعب الذي يلعب في الأندية الكبيرة». وأكمل: «لازم أوباما يراجع نفسه، أنا سعيد بإحرازه هدفين أمام الداخلية، وأتمنى أن تكون مباراة الأمس نقطة تحول، لأن أوباما ابننا وكلنا عايزينه يبقى موجود، بس عايزينه يبقى موجود وهو في حالته لأنه هو مش في حالته يمثل ضغطا على الزمالك وعليه».