وجه الفنان مراد مكرم المعروف بزملكاويته، رسالة إلى جمهور الأبيض بعد الهزيمة التي تلقاها الفريق أمس، من فريق الأهلي بنتيجة 5/3 في إطار مباريات الدوري المصري الممتاز. وقال مراد مكرم عبر فيسبوك: "للي مش فاهمين إحنا مقدرين اللي حصل مع الزمالك امبارح ليه ومش زعلانين أوي رغم الهزيمة، جمهور الزمالك في مجمله جمهور بيفهم كورة وبيحب الكرة الحلوة مش جمهور زياط، بالتالي اللي بيفهم كرة وتأثير النفسية على لاعب الكرة، هيفهم أن المشاكل اللي اتصدرت لللعيبة من ساعة ما أخدوا الدوري، من أول حفل تسليم درع الدوري المسخرة، حتى خبر عودة مرتضى منصور أم لأ، مرورا بالقضايا ضد الزمالك اللي تم الإعلان عنها وعن مبالغ التعويضات بملايين الدولارات فطبيعي أن اللعيبة هتخاف على رزقها، وأن ممكن بل أكيد هيبقي فيه ازمة سيولة في النادي، على موضوع التجديد لبن شرقي علي رحيل حمدي النقاز على موضوع زميله التونسي واللي تم التصالح معاه ثم خرج قرار الفيفا بإيقاف القيد". مصرع المغنية البرازيلية ماريليا مندونسا في تحطم طائرة.. ونيمار يعلق: "أرفض أن أصدق" (فيديو) محمد هنيدي عن الشوط الأول بين الأهلي والزمالك: "جومي بينا نمشي" رسالة قوية من نبيل الحلفاوي بعد فوز الأهلي بخماسية على الزمالك وتابع: "على موضوع إيقاف القيد اصلاً و عدم قدرة الزمالك على عمل اي صفقات جديدة زي أي نادي درجة ثانية حتي علي أزمة كابتن الفريق شيكابالا وغيره كتير أوي من المشاكل اللي طلعت فجأة في آخر شهرين بعد ما الزمالك اخد الدوري، لو أنت بعد كل ده مش فاهم الاحداث دي تأثر ازاي علي لعيبة الكورة في الملعب مهما عملت من إعداد نفسي تبقي مش بس ما بتفهمش في الكوره، ده أنت تبقى أصلا ما بتفهمش في نفسية البني آدمين، ولذلك مشجع الزمالك الواعي اللي فاهم،عارف أنه انجاز انك تحت كل الضغوط دي تبقي مغلوب -51 و تعدل النتيجة ل 5-3، واللي مش عاجبه تحليلي طبعا هو حر بس ده اللي معظم الزملكاوية فاهمينه كويس، وبكرة أحلى بإذن الله".
