كشفت الفنانة مي كساب، عن معاناتها مع السمنة وكواليس فقدانها الوزن أثناء تصويرها لمسلسل «العتاولة» رمضان الماضي، كما أنها كانت سبب في جعل الفنانة شيماء سيف تتخذ قرار اجراء عملية تكميم المعدة بعدما اقنعتها. مي كساب: عشت معاناه مع السمنة وأقنعت شيماء سيف تعمل تكميم و قالت مي كساب، في تصريحات لبرنامج «الراديو بيضحك» بضيافة الإعلامية فاطمة مصطفى :«اللي ميعرفش بيقول عدس، هما مش عارفين إحنا عشنا إيه وشفنا إيه بسبب السمنة والناس سهل عليهم التعليق والأحكام، ولو شافوا إحنا عندنا معاناة قد إيه، وشيماء سيف كانت بتحكي لي معاناتها في موضوع الصلاة ورجليها وعضمها وهي لسه صغيرة وأنا طبعا اللي أحبه اقوله يعمل العملية». و أضافت :«لما روحت ليها في المسلسل ألف حمد لله على السلامة ضيفة شرف، وإحنا بنعمل أحد المشاهد، شفتها مش مرتاحة قلت لها مالك قالت لي رجلي تعباني، ووصلت لوزن أكتر من لما كنا بنصور مسلسل أحلام سعيدة». و تابعت :«أنا كنت خايفة من العملية جدًا والموضوع ده مكانش سهل بالنسبة لي أني آخد قرار كبير زي ده، ولما خدته وشفت العواقب بتاعته وأني ما حصليش حاجة وأني مرتاحة أقنعت شيماء سيف». و اختتمت: «في تصوير مسلسل العتاولة لما كنا في أسكندرية أنا كنت باكل كويس، لأن أنا بحب الأكل الأسكندراني وكنت باكل 24 ساعة، ولما رحنا لبنان الأكل كان حلو بردو، بس احنا كمصريين بنحب الأكل اللي فيه لغوصة، وأنا جبت معايا أكل من مصر بس عملت عملية التكميم وكنت مضطرة أكل أكل بكميات قليلة». اقرأ ايضًا مى كساب: طلبت تأخير ترتيب اسمى في تتر «جعفر العمدة» لرفع الحرج عن الزملاء