هاجم وليد دعبس، رئيس نادي مودرن سبورت، نادر شوقي، وكيل أعمال اللاعب الراحل أحمد رفعت، الذي توفي إثر معاناته من الأزمة القلبية التي ألمت به منذ فترة. وقال وليد دعبس في تصريحات عبر برنامج «الماتش»: «وزارة الشباب والرياضة بتحقق أهلًا وسهلًا، الورق القانوني تسلسله كالتالي: لما بيجلينا فريق بنلعب برا بنخاطب اللجان الأوليمبية وبعدين نروح للوزارة تصدر قرارًا وزاريًا». وأضاف: «ده مش ملزم للفريق إنه يطلع للمطار، أنا بطلع على التجنيد باخد حاجة اسمها تصريح سفر، الكلام ده تم في ماتش ليبيريا وبناء عليه أحمد رفعت سافر يبقى كدة الإجراءات سليمة». وأكمل: «بعد كده استصدر قرار من الوزارة بتكون راجعت كل حاجة وطلعت القرار وبيقول مد وجود أحمد رفعت إلى الخارج من فترة كذا إلى فترة كذا اللي هما ال3 أشهر». وتابع: «أنا المفروض في النظام القديم لو الشخص موجود أعمل إيه؟ أخد الجواب وأطلع التجنيد وأعمل اللفة هي هي وأخد التصريح للسفر». ووجه الإعلامي هاني حتحوت، مقدم البرنامج، سؤالًا إلى وليد دعبس، قائلًا: «عرض الإمارات وصل وهو على الطيارة؟ امتى وصول العرض؟». ليرد وليد دعبس: «احنا مجبناش عرض لأحمد رفعت، كناد اللي جاب العرض، نادر شوقي، هديلك دلالة على الكدب بتاع نادر شوقي، العرض كان موجود، أحمد رفعت كان عايز يسافر لحد ما أن توليت كان مصمم يسافر أو يطلع لنادٍ آخر لدرجة إني قولتله معنديش مانع». وزاد: «قولتله مين النادي اللي عندك عرض قالي المصري، حصل استطلاع بين الناديين مش عن طريق جالنا رد إن المصري مش عايز أحمد رفعت، فروحنا لاحمد قولناله مين اللي قالك دا حصل كذا، قولتله أقعد ولو جالك عرض خارجي نكون خلصنا مشكلة الجيش أنا مش هقف لك». كما أضاف: «كانوا ضاغطين هو ونادر شوقي على الاحتراف، فلما جت الورقة على طول والقرار الوزاري اتعمل وطلع، حضرتك بتلومني إن أنا طلعت القرار الوزاري بسرعة». وأردف: «الكلام ده تم في مباراة ليبريا، جالنا القرار الوزاري، وطلع أثناء الفترة دي، وأول ما طلع يلا يا أحمد رفعت مبروك مش أنا كشخص أنا كنادي».
