اعترافات «علي الدين محمد»، المتهم الثاني في قضية مقتل «أحمد»، 15 عامًا، الشهير ب«طفل شبرا الخيمة»، أمام النيابة العامة، شهدت مفاجآت مدّوية بشأن كيفية اقناعه للمتهم الأول طارق أنور، لإنهاء حياة المجني عليه من أجل سرقة أعضائه وبيعها، إبريل الماضي. جديد قضية مقتل طفل شبرا الخيمة تنشر «المصري اليوم»، اعترافات المتهم المحرض على قتل «طفل شبرا الخيمة» بالمستندات، إذ قال: «ثمانية أشخاص اتعاملت معاهم علشان أعمل الفيديوهات العنيفة ال (Gore Videos)، وكان كل واحد فيهم ببعتله قائمة بالمنومات اللي محتاجها والأدوات اللي هنستعملها ومن ضمنهم بعتلوا إنه يجيب سم فئران برضة، وكنت بفهمهم إنه هنخدر الحالة وننيمها وفيه بعضهم قلتله يدي سم الفئران للشخص اللي بنيمه، أو يخنقه أو يحط المخدة على وشه، وكان دايمًا نفسي استخدم المشرط الجراحي علشان الفيديو يبقى قوي وأستمتع بيه، وفي نفس الوقت لما أعرضه على الشبكة المظلمة (الدارك ويب) يجيب فلوس كتير». وأضاف محرض قاتل طفل شبرا:«مستخدمتش المشرط الجراحي إلا في حالة واحدة بس، وهي الحالة الوحيدة اللي الشخص فيها مات، وهي حالة (طارق وأحمد)، أيوة أنا كنت عايز إن باقي الوقائع يبقى فيها دم وأشوف الأعضاء الداخلية وكده، بس مكنتش بوصل اللي عايزه سواء الحالة كانت بتفوق وبتقاوم، أو الشخص نفسه اللي بينفذ بيخاف ويوقف الفيديو ويمشي». اعترافات محرض قاتل طفل شبرا وأردف المحرض: «لكن حالة (طارق وأحمد) كانت مختلفة، بالنسبة ل(طارق) أنا تواصلت معاه في 2024/4/14 تقريبًا حسب ذاكرتي، وهو كان عامل منشور في جروب تبرع بالكلى ببروفايل اسمه- (زياد إبراهيم) طلب فيه التبرع بفص كبد منه، فدخلت على الرسائل وابتديت أتكلم معاه، وأنا حسيته سهل أتحكم فيه وأوجهه للحتة اللي أنا عايزها علشان هو داخل عايز فلوس من غير تفكير وعايز يقطع حتة منه بسهولة ويبيعها، فأنا أخدته في سكة إننا ناخد عينات من حد تاني وفلوسها أحسن علشان يطمن ويحس إن الموضوع أسهل من اللي في دماغه، وبالفعل عرضت عليه إننا نجيب حد من 6 إلى 18 سنة وشرط يكون رفيع علشان ناخد منه عينات، ومحبتش أقول عينات إيه علشان أنا كان نفسي نوصل لمرحلة إننا نستخدم المشرط الجراحي فقولتله عينات بس وهو قالي إنه معايا في أي حاجة، فحسيته هيعمل اللي نفسي فيه، وبالفعل بعتلي صورة (أحمد) ولقيته رفيع وفي سن مناسب وهيبقى ممتاز للفيديو، وقولتله تمام». إلى ذلك، ختم قائلًا:«بعتله قائمة بالأدوية والمنومات والمستلزمات الطبية اللي هو هيحتاجها علشان نضمن إن (أحمد) ينام وميقمش وكان من ضمن القائمة مشرط جراحي علشان نفتح جسم (أحمد)، وبالفعل (طارق) اشترى الحاجة وقالي إنه اشتراها، وقلتله إننا عايزين نبدأ أول ما يشتري الحاجة على الساعة 1 صباحًا تقريبًا، فهو قاللي إنه هيظبط كل حاجة ويجيب (أحمد) ويطلع بيه على شفته وهيكلمني لما يوصل، وبالفعل يوم 2024/4/15 لقيته بيبعتلي على رسائل فيسبوك إنه (أحمد) معاه وهما طالعين فوق الشقة وهيبتدي معاه وقلتله إزاي يديله المنوم، واداله المنوم بس (أحمد) منمش فكلمنا بعض فيديو علشان أبتدي أسجل الفيديو Gory video وقلتله يثبت الموبايل في حتة تبينهم ويخنق (أحمد) بحبل علشان يموت، بس مقولتش ل(طارق) يموت علشان ميتخضتش».
