انتقد هاني سعيد، المدير الرياضي لنادي بيراميدز، تصريحات أحمد دياب، رئيس رابطة الأندية، بشأن أزمة مباراة الفريق السماوي أمام سموحة. ونشب حريقًا خلال مباراة بيراميدز وسموحة، أمس الجمعة، في الجولة 28، ما استدعى الحكم لإيقاف اللقاء لفترة ثم الإلغاء بشكل نهائي. وقال هاني سعيد في تصريحات عبر برنامج «الكورة مع فايق»: «إعادة المباراة أو لا؟ أنا شايف اللائحة إيه وتطبق ليا أو عليا أنا مش طالب حاجة زيادة أو مش من حقي». وأضاف: «من الحاجات الغربية وتضايق إنك تشوف تصريحات طالعه منسوبة لرئيس رابطة الأندية إن ده ظرق قهري ومينفعش تحسب النتيجة لبيراميدز، هو مش الحاجات دي لازم يكون في تقرير الحكم ومراقب المباراة وعلى أساسهم بيطلع القرار». وأكمل: «الظروف القهرية اللي هي إيه؟، ماس كهربي عمل حريقة والحريقة اتطفت وبناء على إن المطافي خرجت، الحكم قال هستكمل المباراة». وتابع: «وبعدين الطبيعي في المباريات بنشغلها على المولد مش الكهربا الطبيعية، واللائحة مكتوب إن انقطاع الكهرباء مش ظرف قهري». وزاد: «لو اللائحة فيها ظرف قهري أنا بقول اللي حصل مش ظرف قهري، حصلت حريقة والحريقة اتطفت، والحكم كان هيشغل المباراة».
