علق الشيخ محمد أبوبكر، الداعية الإسلامى، على أزمة وفيات الحج 2024، إذ أعلن وزير الصحة السعودي أن عدد الوفيات في موسم الحج هذا العام بلغ 1301 حالة، مشيرًا إلى أن 83% من هؤلاء من المتوفين هم من الحجاج الذين لم يحملوا تصاريح. وانتقد «أبوبكر»، خلال برنامج «إني قريب»، على قناة «النهار»، اليوم الجمعة، سلوك بعض الأبناء مع آبائهم من الحجاج خلال موسم حج هذا العام. وقال: «إلى كل ابن فاكر إن البر إنه يرمي أبوه أو أمه الطاعنين في السن واللي عندهم أمراض إلى شركة سياحة مهما كانت درجتها وتديهم فلوس وتقول لهم اتفضلوا اطلعوا الحج، انت فاكر إن ده حج؟! أنا يؤسفني إني أقولك إن ده عقوق». البر ليس نقود وأوضح: «البر مش فلوس، البر تاخد أبوك وتطلع انت بيه، وانك تكون خدام لأبيك، لو مش قادر خلاص»، مشيرًا إلى الآية الكريمة: «وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلًا». وتابع: «من يعتني بالأب أو الأم اللي مش قادر أو مش قادرة تمشي خطوتين، أو اللي عايز علاج كل ساعتين، أبوك وأمك اتبهدلوا، ولن أبالغ إذا قلت أن البعض لم يؤدي المناسك، محدش فاضي لحد». وأكمل: «السنة دي أنا شفت ناس أغمى خلال جميع المناسك، والناس مش عارفة تتعامل معاهم، أصل ابنه رماه للشركة ومشي». في ناس أخلاقها لا تطاق وتابع: «في ناس أخلاقها لا تطاق يبقى مينفعش معاهم غير ابنه أو بنته، أنا مش هستحمل يشتمني أو يهينني أو يسبلي على عرفة، انت عارف أخلاق وطباع أبوك فهتعرف تتأقلم معاه». واستطرد: «إيه اللي يجبر واحد مهمته إنه شيخ فقط مع الحجاج يقوم بأدوار مش دوره، شيخ خلال موسم الحج هذا العام راح يجيب أكل لحاج كبير في السن، الراجل لبسه الطبق في وشه، قائلا له: انت مبتفهمش، أنا مبكلش الحاجات. ات أولى الناس بأبيك وأمك». شركات السياحة كما انتقد «أبوبكر» بعض شركات السياحة، قائلًا: «حسبنا الله ونعم الوكيل في شركات السياحة التي نصبت على الناس، واللي طلعتهم بتأشيرات زيارة وخدعتهم وأوهمتهم إنهم هيحجوا، الناس في رقبتهم وهتتحاسبوا عليهم يوم القيامة».
