وجه إبراهيم سعيد، نجم الأهلي والزمالك السابق، رسائل نارية ل خالد الغندور وطارق يحيى، نجوم نادي الزمالك السابقين، بعد تصريحاتهم الأخيرة ودفاعهم عن قرارات الزمالك بعد الانسحاب من مباراة القمة أمام الأهلي. وكان خالد الغندور قد صرح في وقت سابق أن الزمالك تلقى وعد بإقالة بيريرا رئيس لجنة الحكام، وعامر حسين رئيس لجنة المسابقات، وهذه المطالب لم تنفذ حتى الآن. وقال إبراهيم سعيد في تصريحات تليفزيونية عبر برنامجه «بلس 90» والمذاع على قناة «النهار»: «يا كابتن خالد والله المطالب دي ممكن تتنفذ وأنت بتلعب مبارياتك عادي، واسم الزمالك كبير مش محتاج أنه ينسحب أو ياخد قرارات عشان تتنفذله طلبات». وأضاف سعيد: «طبيعي مفيش حاجة تتحق، ولازم تتحق وأنت على أرض صلبة، أديك خسرت 6 نقط، بخلاف الغرامات، ومطالبة الأهلي بمستحقات أيضًا، ودي مشاكل الزمالك في غنى عنها». وأردف: «أنت بتسألنا أحنا يا كابتن خالد ليه الزمالك هيلعب مباراة سيراميكا وملعبش لقاء القمة، بعد ما سخنت الجمهور والناس وقولت ده قرار تاريخي وقرار ل100 سنة قدام، طب أنت قولي بقى رجعت في كلامك ليه مانت كنت داعم لقرار الانسحاب». وأكمل نجم الأهلي والزمالك السابق: «يا خالد أنت كنت سبب في أن مجلس الزمالك ياخد القرار ده، وكان قرار مش صائب ومش صح، واعتقد أن الزمالك لو ملعبش ماتش السبت قدام سيراميكا وده هيبقى شيء صعب».
