علق الإعلامي عمرو أديب، على واقعة صفع الفنان عمرو دياب لشاب من معجبيه خلال حفل زفاف بالقاهرة. وقال «أديب»، في تعليق خلال برنامجه «الحكاية» عبر قناة «mbc مصر»، مساء السبت، إن الخطأ مشترك من الطرفين عمرو دياب والشاب، متابعًا: «الشاب راح شد عمرو دياب من ضهره وحطله التليفون في وشه سيلفي بالإجبار، حاول يتصور معاه أربع مرات والأمن نزله». وأضاف: «في ناس كتير ممكن يعملوا أي حاجة في سبيل إنهم ياخدوا صورة، لكن ردة فعل عمرو دياب لا يمكن استيعابها أو تبريرها». وتابع «أديب»: «الشاب مش مدعو للفرح ولا من أهل العريس ولا أهل العروسة، وشد محمد رمضان قبل كده بنفس الطريقة من إيده، وطبعًا ده مش مبرر ومكنش ينفع يتم ضربه». واستطرد: «التطفل الشديد الموجود من البعض وصل لدرجة صعبة، في نظير إنه ياخد صورة ينزلها على السوشيال، في أصول للاقتراب من المشاهير».