علق إبراهيم سعيد مدافع منتخب مصر والأهلي السابق على تعليقات نجم النادي الأهلي عمر كمال عبدالواحد بعد استبعاده من قائمة منتخب مصر الأخيرة. وأعلن حسام حسن قائمة منتخب مصر لمباراتي بوركينا فاسو وغينيا بيساو ولم تضم عمر كمال عبدالواحد رغم أدائه المميز في الفترة الماضية مع الأهلي. وبعدها خرج عمر كمال وأكد أنه لا يوجد أي خلاف بينه وبين حسام حسن خاصة في ظل ما تردد أن استبعاد اللاعب جاء بسبب المشاكل بينه وبين العميد منذ أن كان يدرب المصري وكان عمر كمال لاعبا في صفوف الفريق البورسعيدي. وقال إبراهيم سعيد: «بص يا عمر الحاجة الوحيدة اللي هتخليك تروح منتخب مصر هي وجودك في الملعب حتى لو مسكتوا في بعض أنت وكابتن حسام أنا آسف يعني». وتابع إبراهيم سعيد: «طول ما انت متألق وبتؤدي بشكل كويس أداؤك اللي هيخليك تروح المنتخب، وهتخليه يضمك حتى لو زعلان منك عشان حسام أكيد عايز ينجح ومش هيسيب لاعب مثلا مكسر الدنيا». وأضاف إبراهيم سعيد: «يا عمر أنت لعيب عندك مستقبل كبير جدا مع النادي الأهلي بعد اللي ظهرت عليه الفترة اللي فاتت».